Nova web do Comité de Empresa de Pontevedra do PAS Laboral da UVIGO.

Estase a traballar na construción dunha nova web do Comité de empresa de Pontevedra, co obxectivo de facela máis interactiva e tratar de manter puntualmente informados ao persoal do traballo e actividade do Comité.  http://comite.webs.uvigo.es/web/

A Universidade pública española entre as máis caras de Europa.

Segundo o estudo da evolución dos prezos públicos do sistema universitario español entre 2011 e 2016: os prezos das matrículas universitarias, becas, axudas e beneficios fiscais en Europa, feito pola Federación de Ensinanza de CCOO , España e un dos países da UE onde resulta máis cara a matrícula universitaria.
Ver Video

O custo da educación universitaria constitue un importante sacrificio que ten que ser sufragado na súa práctica totalidade polas familias. Os datos expostos no informe son demoledores en termos de cohesión social e poñen de manifesto a fraxilidade do noso sistema universitario.

Un alumno español paga 1.110 euros por matricularse nun grao, un alemán paga 50 euros, e un  finés cero euros.

As tres universidades públicas e a Xunta de Galicia habilitan fondos para causas económicas imprevistas e organizacións benéficas apoian a estudantes universitarios que non teñen beca ou tardan en cobrala para que non teñan que deixar os estudos.
Fonte: Voz

Informacións sobre as negociacións de RPT do PAS e da Comisión tripartita de funcionarización.

Semella enrevesado pero non queda outra: hai que levar as contas para estar informados.

O vindeiro mércores 13 de abril de 2016 estan convocadas sendas reunións da Comisión de negociación da RPT  e da Comisión tripartita de funcionarización do PAS Laboral da Universidade de Vigo. 

Por outra banda, comunicarvos que  xa podedes consultar a acta nº 12 da Comisión negociadora da RPT do PAS Laboral  e as actas nº 10 e 11 da Comisión negociadora da RPT do PAS funcionario coa proposta de funcións da Biblioteca Universitaria entregada pola Xerencia.

Axudas á conciliación familiar e laboral para fomento da corresponsabilidade para os traballadores e familias monoparentais que se acollan á redución de xornada.

Louise Bourgeois. Untittle, 1999.

RESOLUCIÓN de 28 de marzo de 2016, da Secretaría Xeral de Igualdade, pola que se establecen as bases reguladoras que rexirán as axudas á conciliación da vida familiar e laboral como medida de fomento da corresponsabilidade para os traballadores que se acollan á redución da súa xornada de traballo, cofinanciadas por el Fondo Social Europeo (FSE) con cargo al programa operativo FSE Galicia 2014-2020, y se procede a su convocatoria para el año 2016.


Extracto da resolución do DOG nº 61 2016/3/31.

Publicación da Acta nº 4 da Comisión de Estudo da Funcionarización do PAS laboral.

A lectura da  acta nº 4 da Comisión de estudo da funcionarización do PAS Laboral do 5 de febreiro de 2016  reflicte a intención de constituir unha Comisión Tripartita (Xerencia/Laborais/Funcionarios) para seguir avanzando nun proceso que polo momento semella inmaduro.  Hoxe mesmo reunese a Xerencia cos representantes dos Comités para seguir coas negociacións da RPT Laboral  e seguidamente produciráse unha segunda reunión na que procederáse á constitución da referida Comisión Tripartita para continuar traballando sobre o proceso de integración/funcionarización.

Comunicado sobre recuperación de cantidades impagadas en 2013.

Ante as reiteradas sentenzas favorables en casación nas que o Tribunal Supremo estima as demandas de conflicto colectivo formuladas pola representación do Sindicato Nacional de CCOO de Galicia, á que con posterioridade se adheriron a Confederación Intersindical Galega (CIG) e a Unión General de Trabajadores de Galicia (UGT,) que declaran o dereito do Persoal de Admnistración e Servizos das tres universidades galegas a percibir as cantidades correspondentes aos servizos efectivamente prestados con carácter previo á entrada en vigor da Lei Xeral de Orzamentos da Comunidade Autónoma de Galicia (1 de marzo de 2013) soliciltamos á Universidade de Vigo que inste á Xunta de Galicia a que coa maior celeridade faga efectivo o pago das cantidades que lle corresponden a cada traballador e traballadora.

Dende CCOO pedimos que este dereito se extenda tamén ao persoal funcionario dos colectivos de PAS e PDI, evitando deste xeito todos os trámites que implicarían as resolucións individuais. En todo caso,  este sindicato, para evitar a reiteración deste tipo de demandas, iniciaría un pleito piloto cun representante destes outros colectivos para solicitar con posterioridade a extensión das sentenzas favorables ao conxunto de traballadores e traballadoras.

Comunicado de CCOO sobre as normas básicas POD 2016/17

A sección sindical de CCOO da Uvigo perante a próxima reunión do 10 de marzo da mesa de negociación considera que as medidas que se pretenden establecer repercuten moi negativamente sobre as oportunidades de promoción do PDI non estable da UVigo.

 

Sentenza favorable ao PAS Laboral da Uvigo sobre percepción das cantidades correspondentes aos servizos prestados dende o 1 de xaneiro de 2013 ata o 28 de febreiro de 2013.

A instancia de CCOO, o T.S. emite sentenza favorable ao PAS laboral da UVigo no conflicto colectivo sobre a redución do complemento específico no ano 2013.

Este é o FALLO:

"Que estimando en parte la demanda formulada pro la representación legal del Sindicato Nacional de Comisiones Obreras de Galicia, a la que se adhirieron las representaciones letradas de Unión General de Trabajadores y de Confederación Intersindical Galega, contra la Universidade de Vigo, declaramos el derecho del personal laboral de administración y servicios de la demandada, a percibir las cantidades correspondientes a los servicios prestados desde el 1 de enero de 2013 hasta el 28 de febrero de 2013 (ambos inclusive) según la categoría profesional de cada trabajador afectado, condenando a la demandada a estar y pasar por esta declaración y a abonar a los trabajadores afectados por el conflicto las cantidades que resulten.".

Informe sobre conciliación laboral na Uvigo (2010-2014). Novas sobre melloras na conciliación da vida laboral e familiar.

O Informe solicitado pola sección sindical CCOO da Uvigo  reflicte os datos sobre redución de xornada, lactación acumulada e permisos de maternide ou paternidade do PAS e do PDI entre os anos 2010 e 2014. 
A realidade é que as mulleres seguen levando o peso da conciliación.  Así, a redución de xornada neste lustro foi moito máis utilizada en xeral polas mulleres (90,5%) e especialmente no colectivo do PAS (92%) .
A Universidade de Vigo establece un permiso de xestación retribuído  previsto na disposición adicional decimosexta do Real decreto lexislativo 5/2015 polo que se aproba o texto refundido da Lei do Estatuto Básico do Empregado Público, consitente nun permiso retribuido para as mulleres en estado de xestación, a partir do día primeiro da semana 37 de embarazo ata a data do parto. O permiso, en caso de xestación múltiple poderá iniciarse o primeiro día da semana 35 de embarazo. (R. R. de  24 de febreiro de 2016)

Por outra banda, pode resultar de interese mencionar como entre as novas medidas de conciliación da vida laboral e familiar do funcionariado a Xunta de Galicia vai a activar a posibilidade de que os empregados públicos podan acollerse ao permiso de lactación con independencia de que a sua parella traballe ou non e podrán solicitar adaptación horaria en caso de tratamento de radio ou quimioterapia. Fonte: Faro de Vigo.

Charla-coloquio de Francisco LLera na UVigo TV: "A funcionarizacion do Persoal Laboral na Universidade de Vigo. Estudo e análise dos procesos de negociación".

Dende CCOO queremos dar as grazas a Francisco Llera por compartir as súas experiencias en procesos de integración / funcionarización doutras universidades públicas españolas así como a todas as persoas que asistiron ao evento. Tendes  xa a vosa disposición os videos  do responsable de CCOO na Universidad de Extremadura na mediateca da  UVigo TV .

 Francisco LLera, utilizando como fío conductor un documento de 65 preguntas sobre o proceso de integración elaborado para a UEX,  aportou un conxunto de ideas básicas a ter en conta:

- Trátase dun proceso importante que non se debe negociar con presas.

- A estabilidade da plantilla é unha responsabilidade da Xerencia e da Universidade.

- O aforro de cotizacións para a Universidade pode aproximarse a un 5,5% +1,5 %. Este 1,5 %  suporía un incremento directo na nómina de cada traballador pois respondería  aos cartos destinados no contrato laboral  á prestación por desemprego.

- Dentro da negociación de integración,  a creación de escalas resulta de vital  importancia  sendo un punto de inflexión que marcará todo o percorrido do proceso. Os negociadores deben evitar que sexa unha imposición unilateral da Universidade e ser conscientes de que a máis escalas máis dificultades de promoción.

- Os procesos de promoción interna deben rematarse todos antes de iniciarse a integracion / funcionarización.

- Resulta de moito interese poder negociar as figuras dos complementos (diferenciando ben os conceptos de absorbibles ou non absorbibles), do contrato relevo, da carreira profesional para todos os colectivos implicados,etc...

- O persoal laboral pode solicitar da Universidade e dos sindicatos un gabinete de  asesoramento persoalizado para saber cómo afectará a decisión  a súa realidade.

Charla -coloquio UVigo TV (PINCHA AQUÍ). 

Escolas infantis na Uvigo. Qué foi do proxecto de gardaría do Campus de Vigo?.

O 16 de febreiro de 2016 faise pública a listaxe definitiva para a actualización das listas de agarda da Escola infantil do Campus de Ourense para o curso 2015-16 e no DUVI de 26 de febreiro informase da apertura do prazo de prescripción para a Escola infantil do Campus de Pontevedra  de solicitudes de novas prazas e de renovación  ata o 26 de marzo de 2016 tanto para os integrantes da comunidade universitaria como para a ciudadanía de Pontevedra. Son boas novas.

CCOO  lembra o Capítulo XI do vixente convenio colectivo sobre conciliación onde no artígo 45 sinalase como   "A Universidade de Vigo asume o compromiso da posta en marcha de servizos de gardaría, en cada un dos tres campus, para todo o persoal da Universidade de Vigo"
Houbo un tempo no que universidade  tiña en mente para o seu Campus de Vigo (en Miralles) un proxecto que contemplaba o servizo de gardaría,  pero a realidade é que a idea do equipo reitoral diluiuse perante outras prioridades. Descoñecemos qué foi do proxecto de gardería do Campus de Vigo ou por qué o persoal do campus de Vigo non pode disfrutar de esta mellora social que xa teñen en Ourense e Pontevedra. Sería de xustiza poder contar coas mesmas estructuras e servizos nos campus de Vigo. ¿É cuestión de falta de cartos ou falla de interese ?

CCOO solicitou o cumprimento da sentenza do T.S. de Xustiza sobre a gratuidade de matrícula.

A sentenza sobre a gratuidade de matrícula para o PAS  da Uvigo recoñecida no Convenio Colectivo está vixente. Logo da publicación da recente sentenza de 4 de Febreiro de 2016, CCOO considera e solicita que a Universidade aplique e subsane de oficio os prexuizos ocasionados pola restrictiva resolución reitoral de 28 de maio de 2015.
A Universidade de Vigo ven de publicar unha nova Resolución reitoral notificando as modificacións da anterior convocatoria para o curso 2015/2016 e establecendo novos prazos. Compre pois revisar os cambios e felicitar a Universidade pola dilixencia na aplicación da sentenza.

Comunicado da Xunta de PDI Funcionaria da UVIGO

A Xunta de PDI Funcionario da Universidade de Vigo, reunida en sesión ordinaria o día 23 de febreiro de 2016 acordóu por unanimidade difundir entre a comunidade universitaria un comunicado sobre a aprobación no Consello de Goberno das normativas de dedicación do profesorado e a de recoñecementos de actividades do PDI.

Ver Comunicado

Agradecementos pola iniciativa lexislativa popular a prol dunha renta mínima.

A actual situación social e económica esixe por en marcha un novo sistema de protección dirixido, de maneira especial, as persoas afectadas máis directamente pola crise e que non atopan traballo, vense en risco de pobreza e carecen de rentas. A petición dunha lexislación de renta mínima  era o cometido da mesa de CCOO na Facultade de Económicas da nosa Universidade.

Grazas a todas as persoas que prestaron o seu apoio, solicitaron información e amosaron un grande interese pola iniciativa.

Gratuidade de matrícula segundo o Convenio Colectivo.O TSXG estima a demanda interposta contra a UVigo polo Comité de Empresa de Pontevedra.

Logo das actuacións feitas polo Comité de Empresa PAS Laboral de Pontevedra contra a Universidade de Vigo e a Resolución Reitoral de 28 de maio de 2015 (pola que se convocan axudas e subvencións para o persoal das universidades públicas galegas para a matrícula en estudios oficiais na Universidade de Vigo no curso académico 2015/2016), tivemos que acudir á Xustiza. O Tribunal Superior de Xustiza de Galicia ven de estimar a demanda interposta contra da Universidade de Vigo. No fondo tratabase de  evitar un novo recorte dos nosos dereitos sociais. Neste caso no artigo 55 do noso convenio:

"Artigo 55º.-Medidas.  Sen prexuízo das medidas que se desenvolvan, manterase a efectividade das seguintes:

1. Ensino universitario. A universidade habilitará os medios para conseguir que a matrícula nos centros sexa gratuíta para os traballadores activos e xubilados, para os seus cónxuxes ou persoas coas que convivan maritalmente, para fillos ao seu cargo, e así mesmo para os/as seus/súas viúvos/as e orfos/as.

a) Nos centros universitarios dependentes da Universidade de Vigo.

b) Nas universidades públicas do Estado cando a titulación non exista na Universidade de Vigo, de asinarse o pertinente convenio de reciprocidade."

Tendo en conta que a sentenza admite recurso de casación  a pregunta sería ¿e agora que?

"A funcionarizacion do Persoal Laboral na Universidade de Vigo. Estudo e análise dos procesos de negociación".

 Francisco Llera
(Responsable de CCOO da Universidad de Extremadura)
 compartirá connosco as súas experiencias e coñecementos aplicados á situación da nosa Universidade.  

Xoves 18 de febreiro de 2016 

as 10:30 h.  

no salón de actos da Facultade de Filoloxía e Tradución

Organizado pola Sección CCOO Universidade de Vigo.

      Sigue o evento en directo e participa a través 

do canal http://tv.uvigo.es/

  Será un pracer contar coa vosa presenza e participación.

MOITAS GRAZAS

PROPOSTA XERENCIAL RPT LABORAL 2015 E ACTA Nº 3 DA COMISIÓN DE FUNCIONARIZACION

Logo de facerse pública a proposta de RPT 2015 do PAS Funcionario o Comité do PAS L.de Pontevedra informa da publicación da proposta xerencial de RPT para o PAS Laboral 2015.

Lembrarvos que, como ben sabedes, a Comisión de Estudo da Funcionarización do PAS L. sigue a traballar,en paralelo,no proceso de funcionarización tal e como se reflicte na súa  Acta nº 3.

Normativas de dedicación docente e recoñecementos 2016/2017.

 Ante a presentación para a súa aprobación no Consello de Goberno das normativas de dedicación do profesorado e de recoñecementos 2016/2017, a sección sindical de CCOO informa ao PDI da súa postura, solicita que se retiren as propostas de normativas e que se abra un proceso negociador de boa fe. Preme AQUI

Hoxe foron presentadas por rexistro da Universidade as propostas da sección sindical de CCOO- Universidade de Vigo o Sindicato de Ensino de Traballadores de Galicia (STEG) e a Asociación de Profesorado Asociado de la Universidad de Vigo.

Sobre a problemática da conciliación  laboral 

¿Estamos a falar de corresponsabilidade e conciliación da vida persoal, familiar e laboral de toda persoa traballadora ou de qué estamos a falar?

En Galicia oito de cada 10 persoas que traballan recurren á familia para conciliar. (Fonte: La Voz)

O catedrático de Dereito Laboral da UVigo Jaime Cabeza fala sobre a situación da muller e a conciliación laboral sinalando como as mulleres sufren unha discriminación laboral por estereotipo. 

Todos sabemos que non se precisa ter fillos para ter necesidade de conciliar (Fonte: El País) e que, aínda que se está avanzando, a importancia que se lle da  a estos temas non se reflicte na vida real (Fonte: El País).

Sería pois moi interesante coñecer os datos de uso da figura da conciliación na Universidade de Vigo.

FIDE ET DIFFIDE. Fíate e desconfía.

No curso de calquera negociación, o coñecemento dos obxectivos das partes resulta imprescindible para poder acadar acordos satisfactorios. No proceso, non fiarse pode soar a recelo mais facelo en demasía podería achegarnos á imprudencia. A dúbida  e a razón -guiada pola prudencia- poden obrar resultados excelentes. Información e claridade son necesarias para unha boa toma de decisión.

No emblema ilustrativo as mans que se xuntan teñen dedos cheos de ollos atentos e vixiantes.

.

PROCESOS DE FUNCIONARIZACIÓN.CONFERENCIA DE JOSÉ FRANCISCO LLERA DA UNIVERSIDADE DE EXTREMADURA.

Ante as negociacións de funcionarización do PAS Laboral da nosa Universidade a Sección Sindical de CCOO na Universidade de Vigo considera de moito interese para todo o PAS da UVigo ter a oportunidade de contar coa experiencia e información sobre procesos similares noutras universidades públicas. Nesta ocasión José Francisco Llera, responsable da Sección de CCOO na Universidade de Extremadura compartirá connosco a súa  experiencia negociadora en procesos de funcionarización.

En breve informaremos do día,  lugar e hora  da conferencia.

Recollida de sinaturas a prol dunha iniciativa lexislativa popular que lexisle unha renta minima.

O vindeiro xoves (11-02-2016) CCOO instalará unha mesa de recollida de sinaturas na Facultade de Económicas do Campus de Lagoas Marcosende da Universidade de Vigo a favor dun proxecto de ILP que pretende ser unha resposta a inadecuación do noso sistema de garantía de rentas para facer fronte ao aumento da pobreza causado pola crise.

Faise imprescindible, neste contexto, o reforzamento do actual sistema de protección social. E é tarefa do Estado intervir na economia para cambiar a distribución da renda e dar unha resposta urxente a todas as persoas que se encontran nesta situación de modo que non se vexan abocadas á pobreza e a exclusión social

     - A quen axudaría esta prestación de ingresos mínimos? A preto de 2,1 millons de persoas que queren pero non teñen acceso a un posto de traballo e aos que os actuais instrumentos de protección non dan resposta.

    - En canto se establece a cuantía? Sería o 80% do Indicador Público de Renda de Efectos Múltiples, 426€ mensuais.

    - Canto duraría a prestación? Mentres persistas as condicións que dan acceso á prestación e se cumplan as conduccións e obligacións as que está suxeita (económicas e de formación).

    - Cómo se financiaría a prestación? Esta renda configuraríase como un dereito subxetivo, e non formaría parte do nivel contributivo da Seguridade Social.

A financiación debería garantirse vía impostos a través dos presupostos xerais do Estado, e o presuposto anual sería ao redor dos 11.000 Millóns, ao redor do 1% do PIB.

    - Cómo se financiaría esta prestación? Esta renta se configuraría como un derecho subjetivo, por lo que formaría parte del nivel no contributivo de la Seguridad Social. La financiación debería garantizarse vía impuestos a través de los Presupuestos Generales del Estado (dependería por tanto de la Administración General del Estado y no sustituye a las ayudas de las Comunidades Autónomas). El presupuesto anual necesario serían unos 11.000 millones, el 1% del PIB.

    - É compatible con outras rendas? É incompatible coas prestacións contributivas e non contributivas do sistema de Seguridade Social, pero sí o é co resto de rendas sempre que sexan inferiores ao 75% do SMI.

A EGAP publica o Plan de Formación 2016.

RESOLUCIÓN do 15 de xaneiro de 2016 pola que se publica o Plan de formación do persoal das administracións e entes públicos da Comunidade Autónoma, das entidades locais e da Administración de xustiza de Galicia, así como do persoal de administración e servizos (PAS) das tres universidades galegas, para o ano 2016.
DOG Núm. 18 Xoves, 28 de xaneiro de 2016

Os tres días de vacacións por cada período non lectivo de Semana Santa e Nadal no II Convenio Colectivo do PAS Laboral da Uvigo.

A Xerencia  publica  hoxe a Instrución sobre calendario laboral, vacacións e días de libre disposición para o ano 2016 do persoal de administración e servizos.

CCOO lembra que no art. 26 do vixente II Convenio Colectivo do PAS Laboral reflíctese o dereito a tres días de vacacións por cada período non lectivo de Semana Santa e Nadal. Na posterior modificacion do articulado do Convenio mantívose ese dereito e só despois das medidas excepcionais adoptadas pola Universidade ao amparo do Real Decreto Ley 20/2012 a Xerencia suprimiu 3 dias de vacacions.

CCOO, seguirá traballando na  procura da recuperacion deste dereito acadado para todo o PAS da Universidade logo de longas e arduas negociacións precedidas por una folga laboral de 56 dias.

Aprobación do plan de formación da EGAP para 2016.

Aprobado polo Consello Reitor da EGAP o plan ofrecerá aos empregados públicos, máis de 23.000 prazas formativas. Está prevista a convocatoria de 516 edicións formativas, un 12% máis ca no 2015, e 23.148 prazas, un 10% máis ca no 2015. A EGAP convocará 27 edicións formativas e 1700 prazas para o PAS das universidades galegas.

Fonte: La Voz de Galicia

3º Aboamento parcial da paga extra decembro 2012

Como xa sabedes, conforme o disposto na Instrución da Xerencia de data 5 de xaneiro de 2016 sobre a recuperación da paga extraordinaria de decembro de 2012 deixada de percibir, segundo o previsto na lei de orzamentos de Galicia para o ano 2016 (D.O.G. 31/12/2015) as cantidades serán abonadas no primeiro trimestre do ano 2016

Presentacion do informe El sistema universitario español. Datos y Cifras. Curso 2014-2015.

O informe anual Datos y Cífras del Sistema Universitario Español conten información relevante referida á educación universitaria en España. Este informe aporta datos da actividade docente e investigadora das universidades e información relativa a os estudantes universitarios.
Inclúese tamén información relacionada co ámbito económico das universidades. Podense consultar os prezos públicos universitarios establecidos polas comunidades autónomas no último curso académico e as liquidacións orzamentarias das universidades públicas, ademáis dos indicadores máis relevantes relacionados con esta información. Asimesmo, podese coñecer información sobre as plantillas docentes e de persoal de administración das universidades, con referencia ao número, sexo, edade, nacionalidade, sexenios ou movilidade.
España e o terceiro país da OCDE que menos invirte en becas de universitarios.
Fonte: La Voz de Galicia

Constitución do novo Comité de Empresa do PAS Laboral de Pontevedra.

Hoxe quedou constituído o novo Comité de Empresa do Pas Laboral de Pontevedra da Universidade de Vigo como resultado do proceso electoral do 10 de decembro. Acordouse a constitución do organo de representación e do cargos unipersoais do mesmo:

Presidente: Marcos Estévez Orge.

Vicepresidenta. Marisa Magaz Ledo.

Secretaria: Margarita Turnes Negreira.

Vicesecretario: Alfonso Bascoy Fernández.

Dende CCOO agradecemos axs compañeirxs que cesaron o seu traballo e adicación e quedamos ao dispor de todos vós para poder exercer con éxito a representación que nos confiastes en aras da consecución dos nosos obxectivos, que non son poucos. 

Grazas pola vosa confianza.

Convocatoria de reunión ordinaria para a constitución do novo Comité de Empresa do PAS Laboral de Pontevedra.

Hoxe   está prevista e convocada unha reunión Ordinaria do Comité de Empresa do PAS L. de Pontevedra para a constitución do novo Comité.
Ao longo da mañán coñeceremos os acordos acadados.

Plan de Formación para o Persoal de Administración e Servizos da Universidade de Vigo. PLAN 2016

Nesta ligazón podes consultar o Plan de Formación para o persoal de Administración e Servizos da Uvigo para 2016 e aquí o cadro cos cursos previstos que se desenvolverán no presente ano. 

A xulgar polas vosas suxestións, botamos en falla a formación de cara ao futuro que procuran a Xerencia e os Organos de Representación. . Sen dúbida precisamos unha actualización na formación relativa a lexislación sobre emprego público, tipoloxía de empregados, comparación de marcos xurídicos e estatutos de persoal laboral / persoal funcionario, etc. Dado que a formación é financiada con cargo ás nosas retribucións e dada tamén a flexibilidade da xestión na formación, convidámosvos a que presentedes todas as suxestións de cursos para artellar algunha proposta neste sentido. 

A Sala IV do Social do Tribunal Supremo estima o recurso contra a sentencia da Audiencia Nacional, que estableceu que os descansos por refrixerio non son horas ordinarias.

 O fallo apunta que ao traballador que non disfrute de este descanso lle corresponde, ademáis da retribución ordinaria incorporada ao soldo mensual por ter la pausa do bocadillo consideración de tiempo efectivo de traballo, unha retribución complementaria, pero que non é xornada extra.

Orzamento 2016 ¿boas novas para o Pas-Laboral?

O Consello de Goberno aproba un orzamento de 160,6 millóns de euros para 2016.

Na derradeira sesión do ano, o Consello de Goberno aprovou un orzamento de 160,6 millóns de euros. 

O vicerreitor destacou o “importantísimo incremento” que se rexistra no capítulo de persoal, que aumenta un 6,5%, pasando dos 89, 1 millóns de 2015 aos 95 millóns de 2016. Tras lembrar que “estamos preto do 60% en gasto de persoal o que nos achega ao límite”, José Manuel García destacou que “fomos a única universidade do SUG que aumentou este capítulo, porque apostamos polo capital humano, o emprego público e a defensa da carreira dos nosos empregados e empregadas”. 

Agardamos que esta aposta pola defensa do capital humano se traduza na negociación dunha RPT para o PAS acorde con estas manifestacións e libre de recortes e modificacións arbitrarias das condicións de traballo do colectivo de traballadorxs. 

Neste senso queremos interpretar as verbas de José Manuel García, que sinala que a negociación da nova RPT “deberá dar resposta ás novas necesidades de organización da Universidade e tamén afrontar os retos de futuro”, ao tempo que destacou que o novo marco debe dar acubillo ao proceso de funcionarización que está en marcha. 

As Universidades seguen reducindo os seus cadros de persoal a un ritmo preocupante.

      En 2013, os profesores e investigadores diminuiron en 1.350 persoas.Si se lle engade  o PAS, o cadro de persoal a principios do 2014  descendeu un 1,3 %.
    Durante os últimos cinco anos,o persoal das universidades públicas medrou un 47%. producíndose o aumento precisamente no  PDI, pero sabemos o camiño escollido: conseguirono  a través de contratos laborais, xa  que o corpo de funcionarios docentes mantívose prácticamente estable, rexistrando incluso  una lixeira redución. (Fonte. expansion.com) 
Nos orzamentos das universidades para 2015, a pesares da melloría dos datos macroeconómicos, non se reflicten melloras en inversión xeral nin en investigación. Os recortes seguen reducindo os cadros de persoal. ( Fonte:nuevatribuna.es )

CCOO no seu informe sobre do curso 2015/2016 mostra como o gobierno do PP culmina a lexislatura cunha reforma letal para a universidad pública. 

Novas instruccións sobre xornada e horarios de traballo do persoal ao servizo das AAPP do Estado e organismos públicos.

No BOE de decembro de 2015 publícase a Resolución de 25 de novembro de 2015, da Secretaría de Estado de Administracións Públicas, poa que se modifica a de 28 de decembro de 2012, pola que se dictan instruccións sobre xornada e horarios de traballo do persoal a servizo da Administración Xeral do Estado e seus organismos públicos

Extracto:

Por motivos de conciliación de la vida personal, familiar y laboral, los empleados públicos con hijos, descendientes o personas sujetas a su tutela o acogimiento de hasta 12 años de edad, podrán acogerse a esta modalidad de jornada intensiva desde el 1 de junio y hasta el 30 de septiembre de cada año. Este derecho podrá ejercerse también en el año en el que el menor cumpla la edad de 12 años.

 Los empleados públicos que se reincorporen al servicio efectivo a la finalización de un tratamiento de radioterapia o quimioterapia, podrán solicitar una adaptación progresiva de su jornada de trabajo ordinaria. La Administración podrá conceder esta adaptación cuando la misma coadyuve a la plena recuperación funcional de la persona o evite situaciones de especial dificultad o penosidad en el desempeño de su trabajo. Esta adaptación podrá extenderse hasta un mes desde el alta médica y podrá afectar hasta un 25% de la duración de la jornada diaria, preferentemente en la parte flexible de la misma, considerándose como tiempo de trabajo efectivo. La solicitud irá acompañada de la documentación que aporte el interesado para acreditar la existencia de esta situación, y la Administración deberá resolver sobre la misma en un plazo de tres días, sin perjuicio de que, para comprobar la procedencia de esta adaptación, la Administración podrá recabar los informes del Servicio de Prevención de Riesgos Laborales o de cualesquiera otros órganos que considere oportuno sobre el tratamiento recibido o las actividades de rehabilitación que le hayan sido prescritas. El plazo al que se refiere el párrafo anterior podrá ampliarse en un mes más cuando el empleado público justifique la persistencia en su estado de salud de las circunstancias derivadas del tratamiento de radioterapia o quimioterapia. Con carácter excepcional, y en los mismos términos indicados, esta adaptación de jornada podrá solicitarse en procesos de recuperación de otros tratamientos de especial gravedad, debiendo en este supuesto analizarse las circunstancias concurrentes en cada caso.

 Texto completo da resolución

O orzamento da Uvigo para 2016 e o Pas Laboral

   Hoxe presentáronse ante o Claustro as liñas básicas de actuación orzamentaria da universidade para o exercicio de 2016. O vicerreitor de economía salienta a previsión "conservadora" deste orzamento como vía para a consecución do superávit, o que traducido á lingua común que nos interesa, ven a dicir que hai que seguir contendo a respiración, ou sexa, seguir aforrando. 

   Pareceríanos moi saudable esta visión se non tivésemos pistas de que o aforro faise máis no personal que no ladrillo, pois seguimos a voltas con operacións de compras de edificios no centro de Vigo logo de ter malvendido a antiga sede.

   Nas liñas básicas de actuación referidas ao PAS destácase como “de vital importancia” acadar o máximo consenso para a revisión e actualización da relación de postos de traballo do persoal de administración e servizos no marco das posibilidades actuais da institución pero con clara vontade de impulsar a estabilización e promoción do PAS”.

   Semella que implícitamente están falando do proceso de funcionarización do Pas Laboral, que, como ben sabemos, vaille supoñer á universidade un aforro moi considerable, 450.000 euros aforraron na UDC (1). Dende o noso colectivo de PAS LABORAL debemos estar atentos a estas políticas de estabilización e promoción do PAS, non vaia a ser que sexan únicamente políticas de mero axuste económico.

(1) La universidad coruñesa hizo en un año funcionarios a 207 trabajadores. La medida, que acaba de iniciar su última fase, cumple con los estatutos de la UDC, que prevé un ahorro anual de 450.000 euros al final del proceso

Noticia no Duvi

CCOO gaña as eleccións do PAS Laboral de Pontevedra

   Fonte: DUVI

  “Este resultado é para nós un desafío xa que estamos nun momento crucial para o PAS Laboral porque estamos a negociar o proceso de funcionarización”, sinala Marcos Estévez Orge, cabeza de lista da candidatura presentada por CCOO ao Colexio de Técnicos e Administrativos, que agradece o apoio dos compañeiros e compañeiras que depositaron a súa confianza neste sindicato".

    Para Estévez a conformación do novo comité non deixa de ser unha cuestión formal dado que “o importante non somos nós, senón os compañeiros do PAS Laboral”.
    Tras lembrar que se trata dun proceso voluntario ao que o persoal laboral poderá acollerse ou non, Marcos Estévez amósase optimista en relación coa funcionarización que permitiría eliminar as dúas categorías existentes na actualidade na Universidade de Vigo de xeito que converxerían nunha soa que agruparía a máis de 800 traballadores e traballadoras de administración e servizos. “Pretendemos ser o máis veloces que nos sexa posible neste proceso que conta co apoio do reitor e no que tamén nos sentaremos a falar cos representantes sindicais dos e das funcionarias”, explica o sindicalista de CCOO.

Resultados das eleccions ao comité de empresa de Pontevedra.

Nas eleccións ao Comité de Empresa do Pas Laboral de Pontevedra,
celebradas hOxe, CCOO logra ser a primeira forza sindical en
número de votos nos dous colexios, tanto no de Técnicos e Administrativos,
como no de Especialistas non cualificados.

Os resultados son os seguintes:

Colexio de Técnicos:

      censo  emitidos/validos  nulos   brancos   CCOO    UGT     CIG
Vigo  182       113    110     3        1        54       18      37
Pont  28        23     22      1        1        3        3       15
Total 210       136    132     4        2        57       21      52
                                                                                             
CCO0: 4 delegados.
CIG: 4 delegados.
UGT: 1 delegado.

Colexio de Especialistas:

       censo emitidos/válidos  N  B  CCOO   UGT     CIG
Vigo   70    58 / 57           1  0  28     8       21
Pont   22    18 / 17           1  1  5      1       10
Total. 92    76 / 74           2  1  33     9       31

CCOO. 2 delegados.
CIG: 2 delegados.

Recuperación e mellora das condicións laborais do Pas Laboral

• Cobertura real das prazas segundo o cadro de persoal. 

• Transparencia e actualización das listas de agarda. Propoñemos que o acceso ás listas de agarda esté aberto de xeito permanente durante todo o ano para o persoal fixo da universidade. As listas de agarda pechadas impiden o dereito á promoción do persoal fixo que se incorpora despois de se confeccionar a lista, situación que vulnera o dereito dos traballadores á promosicón e que pode manterse durante anos. 

• Establecemento dun procedemento áxil de intercambio de traballadores entre as universidades do sistema universitario galego para todo o colectivo.

• Establecemento dun sistema áxil de mediación de conflitos laborais profesionalizado e obxectivo, no que se poidan atender as necesidades e problemas laborais dos traballadores e traballadoras, así como dos colectivos que teñen especiais problemas de orde interna. 

• Recuperar de xeito urxente o poder adquisitivo salarios e demais dereitos previos aos recortes do Goberno e da Xunta, e propoñer melloras nas retribucións. 

• Recuperación íntegra da parte da paga extraordinaria que falta por retribuír. 

• Recuperación dos días adicionais negociados e acordados e que foron concedidos tras a negativa da universidade á compensación económica correspondente. 

• Recuperación das prestacións por incapacidade temporal. Aboamento do 100 % das retribucións en caso de ILT.  Dende a entrada en vigor das distintas normativas estatais e autonómicas, e a súa aplicación na universidade, as prestacións por incapacidade temporal minoraron nunha cantidade moi lesiva para as traballadoras e traballadores da Universidade de Vigo. Dende CCOO comprometémonos a loitar por recuperar o aboamento íntegro das prestacións por incapacidade

• Fomentar acordos entre a Universidade e asociacións de apoio ás persoas e familias con problemas de saúde ou psicosociais.

• Establecer un gabinete de apoio para os/as traballadores/as en situación de ILT que lles preste axuda nas súas necesidades de información e seguimento especial cando se precisar por necesidades especiais. 

• Elaboración dun procedemento que estableza un baremo para regular os cambios de quenda e localidade que teña en conta a conciliación familiar. 

• Traballar  polo establecemento de acordos entre a Universidade de Vigo e asociacións de apoio ás persoas e familias con problemas de saúde ou psicosociais. 

• Fomentar a implantación de prexubiliacións con contratos de relevo. 

• Promover medidas correctoras e efectivas no ámbito da igualdade mediante a esixencia do funcionamento responsable dos órganos e comisións competentes. 

•  Establecer mecanismos para promover un clima laboral axeitado e no que se favoreza a participación e comunicación de todos os colectivos traballadores. 

• Revisión e actualización dos protocolos relativos a conflitos interpersoais e de acoso no traballo, nos que se inclúan medidas efectivas para establecer de vías de comunicación que garantan o anonimato e o seguimento das denuncias de xeito responsable e efectivo, sempre co obxectivo de promover as boas relacións no ámbito laboral. 

ACCIÓN SOCIAL 

CCOO tenlle presentado á Universidade de Vigo propostas concretas para mellorar a actual normativa e tamén ten expresado repetidamente a necesidade dunha replanificación xeral desta materia. Cremos que as axudas deben adaptarse á realidade económica do solicitante, establecendo criterios moito máis efectivos para que as familias con menor renda per cápita perciban maiores cotas de axuda. Coidamos que cómpre insistir na eliminación da contía máxima que perciben as rendas máis baixas, para permitir unha mellor redistribución das axudas. Temos elaborado medidas concretas, e seguirémolas propoñendo, para mellorar a xestión neste importantísimo aspecto social e solidario

FORMACIÓN

   Dende CCOO sempre traballamos moi activamente no eido da formación porque a consideramos a ferramenta máis poderosa para acadar os estándares de calidade no traballo que demanda o vertixinoso contexto de cambios a todos os niveis en todos os sectores en xeral e en particular no sector da ensinanza superior como principal xacemento dos recursos humanos que esixe o mercado laboral. 

   Temos conseguido que anualmente se presente un Plan de Formación que recolla as demandas dos diferentes colectivos. Sentímonos orgullosos do traballo que se fixo e seguimos apostando pola dinamización neste campo. 

   Malia todo, pensamos que é moito aínda o que se pode mellorar. Pensamos que é imprescindible facer un traballo de difusión para que o noso colectivo dispoña de moita máis información e coñeza todas as acción e ofertas formativas así como as aportacións que cada un pode facer na organización presentando propostas formativas, por exemplo. 

   Reclamamos moita máis transparencia na información sobre todos os aspectos da formación a través dun sitio propio na web da universidade no que se informe de todas as acción que se desenvolvan e dos informes e memorias que se fagan para que todos e todas os traballadores podamos presentar as nosas demandas formativas de xeito acaído e eficaz. 

   Demandamos tamén que se compartan os resultados da formación externa. Temos constancia do investimento que supón esta formación e pensamos que dende a universidade débese tirar proveito desta inversión compartindo públicamente co resto dos traballadores o contido dos cursos adxudicados a título persoal. 

   Xa hai servizos que internamente comparten os resultados da formación do seu colectivo, e os resultados son non só un plus de transparencia senón unha mellora efectiva na formación xeral da área de traballo. Débese dar moita mais publicidade as ofertas formativas das que dispoñemos as/os traballadores e débese fomentar a asistencia a todas as accións que se organicen prestando dende a Xerencia o opoio necesario para a substitución de todas as persoas para que poidan asistir ás accións e cursos de formación.

   Dende CCOO pensamos que ten que haber moita máis transparencia tamén sobre as valoracións tanto académicas como económicas dos plans de formación. Traballaremos na resolucion definitiva da problemática dos traballadores e traballadoras que prestan os seus servizos en quendas de tarde para que poidan disfrutar en igualdade do seu dereito á formación. Non se lle pode negar este dereito a ningún/a traballador/a polo simple feito de que sexan minoría na súa quenda e non sexa rendible organizar cursos de tarde nin facilitar que poidan gozar de permisos para asistsir na quenda de maña. 

   Dende CCOO temos moi claro que este problema ten unha doada solución, que pasa polo vontade do responsable de recursos humanos que tería que asegurar a sustitución de calquera traballador que nesta quenda solicitase a asistencia a un curso ou acción formativa. Dende CCOO consideramos que o deber de extender o dereito á formación ao persoal con cargo ao Capítulo VI.