As universidades tamén agardan poder convocar prazas de profesorado.

Ana Graña, vicerreitora de profesorado da Universidade de Vigo afirma, hoxe nun artigo publicado na Voz de Galicia, que "o cen por cen da taxa de reposición é o peor dos escenarios". Na universidade de Vigo esa taxa correspóndese ás 20 xubilacións que se deron no pasado ano 2016. No caso da univerisdade de A Coruña, foron 28 baixas por ese motivo e a de Santiago só pode cubrir o 65% das xubilacións. 

(LER MÁIS)

8 de marzo. Día Internacional da Muller

Máis igualdade
Hoxe en día, ter un traballo e un salario non garante unhas mínimas condicións de vida porque os ingresos non abondan para cubrir as necesidades básicas das mulleres. Esta realidade, xunto coa destrución de emprego, o traballo a tempo parcial, a eventualidade e a segregación ocupacional, configuran un panorama no que é difícil pensar sequera en ter fillas ou fillos.

Galicia despobóase, a media de idade aumenta. Galicia empobrécese porque as mulleres se empobrecen, vítimas da precariedade. Son imprescindibles políticas públicas que creen emprego de calidade e que corrixan con efectividade a desigualdade. Mentres non se actúe nesa dirección, as galegas seguirán abocadas á pobreza e á emigración.

Cada ano, a Secretaría da Muller do Sindicato Nacional de CCOO fai balance da situación das mulleres no emprego, con especial atención á calidade dos postos de traballo, ás diferenzas salariais, a como incide o desemprego entre a poboación feminina ou a que sectores están máis ou menos feminizados. Esta valiosa información bota luz sobre as brechas estruturais de xénero que perpetúan unha división sexual do traballo.

Coa contundencia dos datos, podemos describir con fidelidade a dura realidade en que viven as mulleres galegas. Un país que non inviste na creación de emprego e no benestar das persoas, que non fai esforzo ningún para corrixir a desigualdade e a discriminación, ten un futuro escuro. É unha anomalía que perdura no tempo e conforma unha realidade de desemprego, precariedade, segregación ocupacional e pobreza salarial. E como adoita suceder, a realidade, tan teimuda, acábanos por dar a razón.

As dificultades para poder vivir do seu traballo, a falta de oportunidades e de emprego digno e con salario suficiente empurran a mocidade á emigración. Así é como se chama, non «mobilidade exterior». As mozas e mozos que teñen que marchar á procura de oportunidades noutros países son emigrantes económicos. Coa súa partida, Galicia perde capital humano, intelectual e profesional, amais de provocar un drama persoal a estas persoas e as súas familias.

Os datos do Instituto Galego de Estatística revelan que, desde o ano 2010, residen en Galicia 79.128 persoas menos, das que o 48,52 % serían mulleres. A poboación feminina mingua, especialmente no tramo en idade legal para traballar, con maior incidencia na franxa de 20 a 34 anos. A idade media das mulleres galegas estaba nos 46,4 anos en xaneiro do 2010 e cinco anos máis tarde subía ata os 47,8 anos.

A poboación estranxeira ten un peso pouco significativo en Galicia en comparanza coa media estatal. Ata o 1 de xaneiro de 2016 representaba o 3,2 % da poboación total, mentres que no conxunto do estado se triplica ata o 9,5 %. Peso escaso que, á luz dos datos, intuímos que segue a baixar: desde xaneiro de 2010 hai empadroadas en Galicia 21.704 persoas menos de nacionalidade estranxeira. Por riba, Galicia está á cola do estado canto ao número de persoas refuxiadas que acolle.

Os datos demográficos de Galicia amosan unha dura realidade de descenso de natalidade e envellecemento da poboación, de incapacidade de fixar poboación moza e inmigrante. Isto é indiscutible e débese á falta de expectativas laborais e a imposibilidade de desenvolver un proxecto de vida. A precariedade laboral, a temporalidade ou os atrancos para conciliar vida laboral e familiar tampouco axudan.

Mención á parte merece a fenda salarial. As mulleres galegas cobran un 22,1 % menos que os homes, e ademais son maioría nos tramos salariais máis baixos. Segundo fontes da Axencia Tributaria, o 36,34 % das mulleres asalariadas teñen ingresos igual ou por debaixo do salario mínimo interprofesional. Isto chámase pobreza salarial, mulleres pobres con traballo.

Esta é a realidade que lle queremos amosar ao presidente da Xunta, a realidade que Núñez Feijóo non coñece ou non quere ver. Cando se fan discursos mostrando preocupación polo problema demográfico pero durante anos non se poñen en marcha medidas estruturais para modificar a realidade, entendemos que non é unha preocupación real.

Xa fracasaron dous plans de dinamización demográfica —ampuloso título para ridículas accións— do Goberno, por iso CCOO esixe este 8 de marzo medidas efectivas de carácter estrutural. Afrontamos a realidade que evidencian os datos, por iso esiximos investimentos en políticas públicas que eliminen as desigualdades e xeren empregos cos que as mulleres poidan emprender proxectos vitais e se fixe poboación no noso país.

O goberno modifica o contrato axs investigadorxs predoctorais

Foto: Belas Artes, Universidade de Vigo

O goberno, en 2015 e de xeito retroactivo, ten mudado a modalidade de contratación dxos investigadorxs predoctorais que dun día para outro e sen ser informadxs previamente pasaron de ser traballadorxs con contrato por obra o servizo a traballadorxs en prácticas. Se ben este cambio non parece ter consecuencias a nivel de dereitos económicos, sí que hai razóns para dubidar da inocuidade desta medida posto que os contratos en prácticas contemplan unha duración de dous anos (fronte aos catro que se contemplan nas axudas predoctorais) e que esta modalidade de contrato non contempla dereito a indemnización.

(LER MÁIS)

A USC terá o primeiro conveni de España para os contratados por proxectos.

Eliseo Pérez, físico na USC e representante de CCOO.  Fonte: La Voz de Galicia 

A Universidade de Santiago terá o primeiro convenio de España para contratados por proxectos. Regulará os salarios, as categorías e os beneficios laborais de 600 traballadores e traballadoras. VER NOTICIA COMPLETA.

Eliseo Pérez, físico da USC dí que non teñen máis dereito que un contrato. (ler máis)

NOTA INFORMATIVA SOBRE A REUNÓN CON REPRESENTANTES DO MINISTERIO DE EDUCACIÓN, CULTURA E DEPORTE

NOTA INFORMATIVA SOBRE A REUNÓN CON REPRESENTANTES DO MINISTERIO DE EDUCACIÓN, CULTURA E DEPORTE

Nantronte, 31 de xaneiro,  celebrouse unha reunión con representantes do MECD á que asistiron o Secretario de Estado de Educación, FP e Universidades (Marcial Marín), o Secretario Xeral de Universidades (Jorge Sainz) e o Xefe de Gabinete do SG de Universidades (Enrique Collell). Por parte dos sindicatos asistiron representantes de FECCOO, FeSP-UGT, CSIF e CIG.

O MECD convocou a reunión para dar resposta á demanda, formulada polas organizacións sindicais, de constituír formalmente a Mesa de Negociación de Universidades para abordar os temas que históricamente formulamos e que reiteramos o pasado mes de decembro (comunicado conxunto 16-12-2016).

A reunión comezou cunha intervención do Secretario de Estado na que manifestou o seu compromiso de constituír a Mesa de Universidades. Igualmente, propuxo os temas que en opinión do Goberno deberíamos negociar na Mesa, en desenvolvemento da proposición non de lei relativa á aprobación dunha “Estrategia Española para la Educación Superior”  acordada no Congreso pola maioría de grupos parlamentarios.

Os temas fundamentais que mencionou o representante do Goberno foron as seguintes:

◦Aprobar e desenvolver un modelo de financiamento sostible e plurianual.

◦Establecer unha carreira académica previsible mediante un Estatuto do Personal Docente e Investigador que regule as condicións de traballo e a carreira profesional, consensuado coa comunidade académica, as comunidades autónomas, as organizacións sindicais e outras institucións implicadas.

◦Garantir un modelo de bolsas e axudas ao estudo baseado na suficiencia, a equidade e a cohesión social.

O MECD informounos de que contactara coa Secretaria de Estado de Función Pública (Elena Collado), para analizar as fórmulas legais que permitan constituír a Mesa de Universidades. A súa conclusión é que debe aprobarse nunha norma con rango de lei.

Por último, enmarcou a súa vontade de negociación no marco do Pacto Educativo   informounos da posta en marcha da subcomisión específica creada no Congreso. Esta subcomisión dispón de 6 meses para elaborar os correspondentes informes, incluído o ámbito universitario.

Os sindicatos compartimos a necesidade de constituír formalmente a Mesa e consideramos que é necesario manter unha reunión conxunta coa Secretaria de Estado de Función Pública para concretar o contido da norma. O MECD comprometeuse a convocar esta reunión o antes posible.

Asi mesmo, manifestamos a nosa disposición a negociar o Estatuto do PDI, tendo en conta os documentos traballados co MECD durante o ano 2011, e o resto dos temas formulados polo MECD. Non obstante lles recordamos que hai outros temas, algúns vinculados aos orzamentos xerais (taxa de reposición), que tamén debemos negociar para o que propuxemos un calendario de reunións para este grupo de traballo.

O MECD  comprometíuse a establecer unha periodicidade trimestral nas reunións, a próxima será antes de Semana Santa.

Madrid, 31 de xaneiro de 2017

Prórroga do II Convenio Colectivo do Pas Laboral da Universidade de Vigo

No Diario Oficial de Galicia de hoxe publícase a resolución pola que se dispón a inscrición no rexistro e a publicación, no Diario Oficial de Galicia, do acordo de prórroga da ultraactividade do II Convenio colectivo do persoal laboral de administración e servizos da Universidade de Vigo.

Consulta no D.O.G.

Condeado a 7 anos de prisión un catedrático de Sevilla por abusar sexualmente de tres profesoras

A noticia deste novo caso de abuso no contexto universitario ten á forza que facernos reflexionar sobre o grado de responsabilidade que temos todos e todas cando intuimos ou sabemos de casos de inxustizas que se perpetúan na noso ámbito e non somos quen de ofrecer canles para a súa reparación. Estas situacións son totalmente evitables cando se traballa no entorno de confianza e respeto que se supón é o que rexe nas comunidades universitarias.

CCOO consegue que Educación modifique a súa interpretación da convocatoria de avaliación da actividade investigadora.

CCOO consegue que Educación modifique a súa interpretaciónda convocatoria de avaliación da actividade investigadora.

O Ministerio de Educación publicou unha nota na súa páxina web na que indica que o tempo de permanencia do profesorado funcionario en situación de excedencia para atender o coidado de fillos/as ou familiar/es no seu cargo é computable a efectos de avaliación da actividade investigadora.

A Federación de Enseñanza de CCOO (FECCOO) interpuxo o pasado 20 de decembro un recurso contra a Resolución de 30 de novembro de 2016, pola que a Secretaría de Estado de Avaliación, Formación Profesional e Universidades fixa o procedemento e prazo de presentación de solicitudes de avaliación da actividade investigadora á Comisión Nacional Avaliadora da Actividade Investigadora.

O sindicato recorreu dita Resolución porque discrimina a personal interino e mulleres, dificultando a súa carreira profesional. En concreto, a Resolución sinala no seu artigo 2.7.b. que poderán solicitar a avaliación “aqueles que nunca se presentaran anteriormente e cumpran un mínimo de seis anos avaliables o 31 de dicembro de 2016”. FECCOO argumentou que a forma na que se computa este tempo, establecido no artigo 10 da orden de 1994, discrimina a aquelas profesoras que puideron ou podan gozar dunha excedencia por coidado de fillos/as, maternidade e lactancia.

O Ministerio de Educación reaccionou publicando na súa páxina web a nota “Convocatoria Sexenios Comisión Nacional Evaluadora de la Actividad Investigadora”, que conclúe, en base ao  recollido no artigo 89.4 do Real Decreto Lexislativo 5/2015, de 30 de outubro, polo que se aproba o texto refundido da Lei do Estatuto Básico do Empregado Público, que “os funcionarios de carreira que se encontren en excedencia para atender o coidado  dun ou varios fillos, ou  dun familiar que se encontre ao seu cargo, poderán incluír na súa solicitude de avaliación de sexenios os anos (e as achegas elaboradas e publicadas ditos anos) que permaneceran  en dita situación administrativa de excedencia”.

Educación entende agora que o tempo de permanencia do Personal Docente e Investigador (PDI) funcionario en situación de excedencia para atender o coidado de fillos/as ou o de familar/es ao seu cargo é computable a efectos de trienios, carreira e dereitos no réxime de seguridade social que sexa de aplicación.

CCOO valora positivamente este cambio, aínda que cree que non é suficiente, posto que todavía non se recoñece de forma explícita o período de baixa por maternidade e lactancia. Asi mesmo, esixe novamente o Ministerio de Educación que modifique a convocatoria de sexenios e inclúa nela ao PDI funcionario interino para evitar unha discriminación que non está xustificada, como recentemente recolleu o Tribunal de Xustiza da Unión Europea nas súas sentenzas, que afirman igualdade de trato entre os empregados públicos temporais e fixos.

CCOO Sanidade: Manifestación polo centro de saúde de Navia. Mércores 11 de xaneiro.

MANIFESTACIÓN o mércores 11 de xaneiro, ás 19:00 horas desde o número 18-20 da rúa Teixugueiras até o Centro de Saúde de Navia.

A situación puntual que afecta ao Centro de Saúde de Navia é un indicador do que está a suceder na Atención Primaria da Área de Vigo.

A falta de persoal na Atención Primaria da Área sanitaria de Vigo é ben coñecida por todas e todos pois a sufrimos cando pedimos cita para acudir a unha consulta de medicina de familia, de enfermaría ou necesitamos fisioterapia. Esta situación agrávase aínda máis cando necesitamos acudir ás consultas de pediatría. As causas desta situación son os recortes de prazas, o incumprimento da promesa electoral de construír novos centros de saúde en Vigo e a mala planificación nas necesidades dos profesionais, no caso da pediatría, xunto cunha política de contratación so centrada no aforro económico.

Por todo isto reclamamos, de xeito urxente:

·        Utilizar tódolos recursos dispoñibles na actualidade no Centro de Saúde de Navia, para o que é preciso dotalo de máis persoal de medicina de familia, pediatría, de enfermería, matronas, fisioterapeutas, auxiliares, persoal de servizos xerais, etc. Este Centro ten unha importante lista de espera para cambiar de médico de familia e polas características da súa poboación precisa reforzar de xeito importante a Pediatría.

·        Crear un Centro de Atención Primaria no Anexo II do H. Xeral que permita, ademais do traslado xa feito da rúa Bolivia, redistribuír tarxetas sanitarias dos Servizos de Atención Primaria da Dobrada e rúa Cuba e adscribir as do barrio de San Roque na contorna do Hospital Xeral.

·        Dedicar os Centros de Especialidades, tralo seu peche, á Atención Primaria para mellorar o espazo dispoñible no CS da Dobrada e para desconxestionar López Mora (que está en malas condicións) e Coia.

Desestimado o segundo recurso de reposición contra a RPT do Pas Laboral.

No Consello de Goberno de hoxe 23 de decembro desestímase o Recurso de Reposición presentado polo Comité de Empresa de Pontevedra contra a resolución da RPT.

DESCARGA O DOCUMENTO

Comunicado sobre a convocatoria de quinquenios do 10 de novembro de 2016.

COMUNICADO DE CC.OO. SOBRE A CONVOCATORIA DE QUINQUENIOS DO 10 DE NOVEMBRO DE 2016

O pasado venres, 9 de diciembro, CC.OO., o Sindicato do Ensino de Traballadores de Galiza (STEG) e a Asociación de Profesorado Asociado da Universidade de Vigo, presentamos recurso de reposición ante o Reitor da Universidade de Vigo, contra a Resolución Reitoral de 10 de novembro pola que se establece prazo para a presentación de solicitudes de avaliación docente (quinquenios), en base aos seguintes motivos:

1.- De acordo coa devandita resolución, só poderán solicitar a avaliación e, polo tanto, ter dereito á percepción de quinquenios, os profesores funcionarios e os contratados doutores fixos en servizo activo. Quedarían excluidos deste xeito, os profesores con contrato temporal, os contratados doutores interinos e  os profesores con contrato a tempo parcial.

2.- Os sindicatos asinantes consideramos que esta resolución é discriminatoria. A Directiva Europea 1999/70/CE establece que: “Por lo que respecta a las condiciones de trabajo, no podrá tratarse a los trabajadores con un contrato de duración determinada de una manera menos favorable que a los trabajadores fijos comparables por el mero hecho de tener un contrato de duración determinada, a menos que se justifique un trato diferente por razones objetivas”.

Asemade, a Directiva 97/81/CE establece que: “Por lo que respecta a las condiciones de empleo, no podrá tratarse a los trabajadores a tiempo parcial de una manera menos favorable que a los trabajadores a tiempo completo comparables por el simple motivo de que trabajen a tiempo parcial, a menos que se justifique un trato diferente por razones objetivas” . E tamén en semellantes termos se expresa o artigo 12.4 do Estatuto dos Traballadores.

3.- E verdade que a Resolución Reitoral se axusta á normativa sobre retribucións do profesorado universitario de 1989, pero os órganos da Administración están obligados a aplicar o dereito da Unión Europea.

4.- Si a discriminación do profesorado con contrato de duración determinada ou a tempo parcial ten a súa causa nunha norma estatal, cómpre inaplicar esta norma estatal mesmo cando se refiere ao sector público.

5.- Son reiteradas as sentenzas que recoñecen aos traballadores con contrato de duración determinada o dereito ao cobro de complementos salariais, (trienios, sexenios, etc.), así como o resto de dereitos que os equiparan cos traballadores con contrato indefinido.

A Universidade de Vigo non pode ignorar os dereitos dunha boa parte dos seus profesores, recoñecidos polas normas. Con esta iniciativa, os sindicatos asinantes ratifican o seu compromiso de traballar polo PDI da Universidade de Vigo, en especial por aqueles que se atopan nunha situación máis precaria.

En Vigo, a 23 de decembro de 2016

CC.OO. SECCIÓN SINDICAL UNIVERSIDAD DE VIGO

SINTICATO DE TRABALLADORES DO ENSINO DE GALIZA

ASOCIACIÓN DE PROFESORADO ASOCIADO DE LA UNIVERSIDAD DE VIGO

CCOO recorre os criterios de acreditación universitaria e a convocatoria de avaliación da actividade investigadora

As iniciativas do Ministerio limitan o acceso á función docente e a carreira profesional

CCOO recorre os criterios de acreditación universitaria e a convocatoria de avaliación da actividade investigadora

O sindicato inicia accións xurídicas contra o Ministerio de Educación por considerar que a publicación na súa páxina web dos novos criterios de avaliación para o acceso á docencia universitaria do persoal funcionario (programa ACADEMIA) non se axusta á legalidade vixente. Ademais, recorre a convocatoria de avaliación da actividade investigadora por discriminar a mulleres e persoal interino.

A Federación de Enseñanza de CCOO (FECCOO) interpuxo onte recurso contencioso administrativo contra a actuación do Ministerio de Educación, que o pasado 29 de novembro de 2016 publicou na súa páxina web os criterios de acreditación para o acceso á docencia universitaria do personal funcionario. A publicación na páxina web fíxose sen resolución expresa polo órgano competente, sen mediar o procedemento expresado no Real Decreto 1312/2007 e sen opción para os/as interesado/as de coñecer os umbrais mínimos establecidos na norma básica Real Decreto 415/2015.

De forma paralela,o gabinete xurídico de FECCOO iniciou accións legais contra a Resolución de 30 de novembro de 2016, pola que a Secretaría de Estado de Avaliación, Formación Profesional e Universidades fixa o procedemento e prazo de presentación de solicitudes de avaliación da actividade investigadora á Comisión Nacional Avaliadora da  Actividade Investigadora.

O sindicato considera que dita Resolución discrimina ao persoal interino e mulleres, dificultando a súa carreira profesional. En concreto,  baséase no artigo primeiro, que di que “Los funcionarios de carrera de los cuerpos docentes universitarios y de las escalas de Investigación, Investigaciones Científicas y Científicos Titulares del Consejo Superior de Investigaciones Científicas (CSIC) podrán presentar solicitud de evaluación de la actividad investigadora…”. Neste texto exclúese ao docente universitario interino, impedíndolle a solicitude de avaliación da súa actividade investigadora, sufrindo unha clara discriminación respecto ao funcionario de carreira. Ao respecto, CCOO recorda as sentenzas ditadas recentemente polo Tribunal de Xustiza da Unión Europea que afirman a igualdade de trato dos empregados temporais e fixos.

Asi mesmo, alude a que a Resolución sinala no seu artigo 2.7.b. que poderán solicitar a acreditación “aquellos que nunca se hayan presentado anteriormente y cumplan un mínimo de seis años evaluables el 31 de diciembre de 2016”. A forma na que se computa este tempo, establecido no artigo 10 da orde de 1994, discrimina a aquelas profesoras que poideran ou podan gozar dunha excedencia por coidado de fillos/as, maternidade e lactancia. 

CCOO presenta as primeiras reclamacións de indemnizacións por ceses de interinos docentes

FONTE: INFOLIBRE

Manifestación. Recuperación do poder adquisitivo e garantía das pensións. Vía Norte 20h.

Salarios dignos -Pensións con garantía de poder adquisitivo e sostibles -Prestación mínima contra a desigualdade. 

CCOO e UGT convocan mobilizaciones para hoxe xoves 15 de decembro en todo o Estado para recuperar os dereitos perdidos durante os anos de crise, mediante a creación de emprego de calidade e o establecemento duns salarios dignos, a recuperación do poder adquisitivo e das garantías das pensións públicas, e unha prestación básica para as persoas máis necesitadas. 

Temos por diante moito por facer. É o momento de negociar, mais tamén de mobilizar para esixir que o diálogo social se traduza en resultados tanxibles, que se atenda a cidadanía, que se nos permita saír da senda da desigualdade e a pobreza, reducir substancialmente o desemprego e impulsar un crecemento económico sostible, con máis e mellores empregos, mellores salarios –incluído un salario mínimo interprofesional do 60 % do salario medio ao final da lexislatura– e garantía para as pensións e o seu poder adquisitivo, así como recuperar as liberdades e dereitos democráticos.  Consultar calendario de mobilizacións

CC.OO contra a violencia de xénero

Documento completo

CCOO presenta un documento no que se denuncian os déficits na aplicación da LO 1/2004 de Medidas de Protección Integral contra a Violencia de Xénero, e se formulan propostas para a súa resolución en distintos ámbitos de actuación: laboral e económico; publicidade e medios de comunicación; policial, xurídico e servizos xudiciais; educativo e sanitario; servizos sociais e intervención social. 

Unhas propostas que serán trasladadas ao Gobierno e ao conxunto dos partidos políticos e organizacións sociais. CCOO manifesta o seu máis rotundo rexeitamento á persistente violencia contra as mulleres, que en 2015 se cobrou a vida de 60 mulleres e de 39 no que vai de ano, e chama a participar nas manifestacións e actos convocados para o 25 de novembro, con motivo do Día Internacional para a Eliminación da Violencia contra as Mulleres.

Novas sentenzas e nova xurisprudencia nos despidos de interinidades.

Fonte    Louise Bourgeois 10 AM IS WHEN YOU COME TO ME, 2006 (detail)  

Novo caso de sentenza por despedimento dunha interina que podería cobrar ata 28.000 euros como consecuencia da consideración do xuiz como improcedente (non nulo) o despedimento. Esta sentenza supón unha alancada moi importante porque ata agora as sentenzas centrábanse na  equiparación de temporais e fixos na indemnización pero agora esta equiparación implica tamén ao procedemento.

El fallo de la UE lleva a un juez a declarar improcedente el despido de una interina. Una auxiliar de enfermería recibirá 33 días por año trabajado y no 20 días

Universidade de Vigo. Convocatoria de concurso público para contratar persoal docente e investigador.

Hoxe convócase no Diario Oficial de Galicia a resolución pola que se convoca concurso público para contratar persoal docente e investigador nas seguintes categorías:

Profesorado axudante doutor: PREME AQUÍ.

- 1 praza na Área de Tradución e Interpretación.
- 1 praza na Área de Mecánica dos Medios Continuos e Teoría da Estructura.


Profesorado asociado: PREME AQUÍ.

- 1 praza na Área de Historia da Arte.
- 1 praza na Área de Lingua Española.
- 1 praza na Área de Enxeñaría Mecánica.
- 1 praza na Área de Mecánica dos Medios Continuos e Teoría da Estrutura.
- 2 praza na Área de Dereito Penal.
- 1 praza na Área de Dereito Financeiro e Tributario.

Listas de agarda:  PREME AQUÍ

- Área de Historia Moderna.
- Área de Tradución e Interpretación. 
- Área de Enxeñaría Mecánica.
- Área de Dereito do Traballo e da Seguridade Social. 

Consulta todas as covocatorias.

Oferta de emprego público do persoal docente e investigador.

Publicación da oferta de emprego público do persoal docente e investigador para o ano 2016.

DOCUMENTO

CCOO consegue as primeiras sentenzas favorables que aplican a doutrina do Tribunal Europeo sobre a indemnización de persoal temporal.

CCOO consegue as primeiras sentenzas favorables que aplican a doutrina do Tribunal Europeo sobre a indemnización de persoal temporal. A asesoría jurídica de CC.OO.  ven de conseguir que o Xulgado do Social nº 2 de Ourense recoñeza a unha traballadora unha compensación de 20 días por ano traballado por mor do remate do seu contrato como interina.  Trátase da primeira sentenza en Galicia que aplica a doutrina del Tribunal de Xustiza da Unión Europea, que establece que "non hai xustificación algunha para que, ao rematar os contratos temporais, as/os traballadora/es non perciban unha indemnización idéntica á dos/das traballadora/es contratados fixos".

Noticia completa

Revogación da Relación de Postos de Traballo do funcionario de Administración e Servizos da Universidade de Vigo.

  

No D.O.G. de 4 de novembro de 2016 publícase a Resolución de 26 de outubro de 2016 porla que se acorda publicar a revogación  da relación de postos de traballo do persoal funcionario de administración e servizos da Universidade de Vigo.
  
DOCUMENTO

Anulación da Relación de Postos de Traballo do Persoal Laboral de Administración e Servizos da Universidade de Vigo.

  




No D.O.G. de 4 de novembro de 2016 publícase a Resolución de 26 de outubro de 2016 porla que se acorda publicar a anulación da resolución de postos de traballo do persoal laboral de administración e servizos da Universidade de Vigo.  
DOCUMENTO

Xoves 27 outubro CONFERENCIA SOBRE SENTENCIAS EUROPEAS PERSOAL TEMPORAL

CCOO esixe poñer coto á precariedade instalada entre o profesorado universitario

CCOO esixe poñer coto á precariedade instalada entre o profesorado universitario

Os recortes de cadro de persoal seguen cebándose coa universidade española, que, desde 2012, sufriu unha perda de máis de 7.111 postos de traballo de profesorado e de persoal de administración e servizos. Para recuperar a calidade do emprego, CCOO pide unha Oferta de Empleo Público excepcional sen que supoña un incremento orzamentario.

A Federación de Ensino de CCOO denuncia a destrución do 10% do cadro de persoal do profesorado funcionario universitario desde 2009, segundo os últimos datos publicados polo Boletín Estatístico do Personal ao Servizo das Administracións Públicas elaborado polo Ministerio de Facenda e Administracións Públicas.

CCOO alerta de que este colectivo, que perdeu cerca de 4.900 efectivos nos últimos sete anos, está sendo reemplazado por docentes con contratos laborais (profesorado asociado, substituto e interino), que na maioría dos casos son temporais e a tempo parcial. A substitución dunha modalidade de contratación por outra é especialmente rechamante a partires de 2014. Desde ese ano continúa e se intensifica a destrución de persoal docente funcionario, que diminúe un 5,22%, e se incrementa o contratado, que crece un 7,6%. Este fenómeno é resultado das limitacións impostas polo Goberno, que imposibilitaba a substitución de baixas ocasionadas por xubilación con profesorado funcionario.

A comezos de 2012, o número total de empregados públicos das universidades españolas era de 154.881 persoas (100.511 pertencentes ao profesorado e 54.881 membros do personal de administración e servizos). Desde entón, destruíronse case 7.111 empregos, 4.643 de docentes e 2.468 de administración e servizos, un 4,6% e un 4,5%, respectivamente.

As diferencias son notables entre universidades.

Ata 32 perden cadro de persoal total de profesorado desde 2012 en porcentaxes moi variadas: desde o 29,2% da Universidade de Alcalá de Henares ao 0,5% da Universidade de Carataxena. Por outro lado, 16 das 17 universidades que incrementan o seu cadro de persoal docente seguen o mesmo patrón: diminúe o profesorado funcionario e crece a porcentaxe de profesorado contratado. Este é o caso, entre outras, das universidades de Valladolid e Zaragoza, que perden un 10,2% e un 8,8% de persoal docente investigador funcionario, respectivamente, e gañan un 32,6% e un 24,9% de profesorado contartado. Unicamente na Universidade Pablo Olavide, a máis nova, prodúcese o efecto contrario: increméntase un 12,7% o profesorado funcionario e cae o 18,3% o contratado.

Persoal de Administración e Servizos (PAS)

Desde 2012, a redución de cadro de persoal afectou ao 10,56% do PAS contratado laboral e ao 1,96% de persoal funcionario. O persoal agrupado no epígrafe de “outro”, no que se inclúe, entre outros, ao persoal eventual e ao persoal funcionario interino, creceu un 6,6% nos últimos catro anos.

O PAS das universidades españolas representa un 54,14% do cadro de persoal de profesores e profesoras, o que supón unha ratio aproximada dun membro de administración e servizos por cada 1,85 docente e investigador. CCOO suliña que esta cifra sitúa ao sistema universitario público en clara desvantaxe respeto a outros sistemas públicos europeos nos que a relación PAS/PDI se aproxima a unidade.

Ante este panorama desolador para a universidade española, A Federación de Ensino de CCOO esixe a convocatoria urxente dunha Oferta de Empleo Público excepcional que, sen que supoña un incremento orzamentario, recupere o emprego perdido nestes últimos anos e mellore a súa calidade, poñendo coto á crecente precaridade que se está instalando nas aulas universitarias.

29 de xuño de 2016

PERSOAL AO SERVIZO DAS UNIVERSIDADES PÚBLICAS: PAS - PDI. Evolución 2009-20116 

A cuarta revolución industrial. Creatividade

Digital art by Daniel Arnold-Mist
.gif animation by George RedHawk .

"Todos os traballos que non requiran creatividade van a desaparecer". Así de contundente  mostrabase o matemático e economista Cesar Molinas no foro iberoamericano de transformación digital (RETINA) onde  manifestou que a creatividade será o único traballo que vai a existir. Hai estudos e teorías  dente as máis apocalípticas ata as menos catastrofistas.
Inmersos nunha transformación onde a capacidade de aprendizaxe vai a marcar as oportunidades e diferenzas, o sistema educativo debe pois ir na liña de ese aprendizaxe.
Falando dunha nova revolución industrial onde os traballos do futuro estan aínda por definir e a robótica é xa unha realidade. A pregunta do millón é pois ¿ pode un robot por en perigo os postos de traballo?.
Santiago Niño Becerra, catedrático de estructura Económica na Universidad Ramón LLull cree que España enfrontarase a un futuro moi complicado a medida que a automatización prosiga a súa implantación no sistema productivo.

http://www.eleconomista.es/economia/noticias/7415175/03/16/Nino-Becerra-sobre-la-robotizacion-Espana-se-enfrenta-al-peor-de-dos-mundos-posibles.html

Segundo un informe presentado en Davos, ata o ano 2020 aa robotización de novos sectores da economía desprazará máis de 7 millóns de empregos nas 17 economías máis importantes do mundo.
Para o segmento socioeconómico mellor representado na afamada reunión anual  a puxanza de esta "cuarta revolución industrial" promete activar a economía e sacar ás empresas do mundo do seu estancamento no 1,5 % do crecemento anual dende 2008.  Para os traballadores que poden verse reemprazados polos novos robots en industrias onde antes a automatización non era unha ameaza as perspectivas son menos positivas. 

MOOC/COMA: tsunami ou recurso ¿A favor ou en contra?

Os MOOC/COMA (Massive Open Online Course / Curso online masivo e aberto) son cursos gratuitos, masivos e a distancia  ofertados polas universidades a través de Internet. Sen límites de prazas, as persoas realizan o curso ao mesmo tempo  por medio de videos, aplicacións e documentos baixo un sistema de autoavaliación.
Trátase dun intento de adaptación do aprendizaxe e acceso ao coñecemento a baixo coste acorde as novas realidades das xeracións nacidas entre 1980 e 2009.
Para as universidades representan un custo pero tamén un grande beneficio. Supoñen una devolución á sociedade do apoio brindado así como unha oportunidade de difusión e actualización do propio coñecemento, visualización da actividade docente e obtención de prestixio.
Sobre a situación, posibilidades, retos e futuro falábase xa no 2013 no informe nº 2 de  SCOPEO.
Dende o ano 2008 universidades  como MIT, Harvard, Columbia, Berkeley, e tamén univesrsidades españolas (vease o coloquio feito no 2013 na Universidad de Salamanca) e latinoamericanas ofertan  Os MOOC, que polo xeral non precisan de grandes coñecementos e preparación específica para a inscripción, a través de plataformas como  Edx ou Miríada X.
Vexamos pois na mediateca da Universidade de Vigo cinco razóns para non organizar u MOOC e algunha para facelo.

CCOO celebra que a presión sindical obrigue a Xunta a rectificar e aboar as pagas extras íntegras no 2017

O acordo asinado esta mañá entre a maioría da representación sindical e a Consellaría de Facenda garante a devolución íntegra, este ano, da parte proporcional da paga extra subtraída no ano 2013, así como o pagamento tamén completo das pagas extras no ano 2017. Comisións Obreiras (CCOO) celebra a «rectificación» da Xunta, que atribúe á presión exercida polos sindicatos nos últimos días.
A prensa da conta eco do purgatorio sufrido polo emprego público dende 2010.         

Fonte: Voz de Galicia

                             

O problema da falla de control na libre designación.

No proceso de concurso que ven de por en marcha a Xunta de Galicia paraa elección dos primeiros xefes de servizo sen recurrir á libre designación CCOO mostrase esceptica ante unha posible "libre designación encuberta" o incluirse no concurso unha entrevista persoal.

O concepto de "libre designación" ven asociado a  termos que temos todos en mente e pouco teñen que ver co emprego público e a administración. A nosa Universidade non escapa a esta figura e termos como  "apreciación discrecional", "arbitrariedade","especial responsabilidade e confianza" son utilizados con naturalidade aínda que poñan en cuestión a neutralidade, obxectividade e independenza coa que deben rexirse os empregados públicos. Baixo estas palabras acubillanse situacións de "dedocracia"que parecen obedecer as posibilidades que ofrecen as formas extraordinarias para regatear os principios de igualdade, mérito e capacidade.

Ver  Cap. III da LEY 2/2015, de 29 de abril, del empleo público de Galicia. 

O Consello da Xunta de Galicia aprobou onte a proposta de calendario laboral para 2017.

Fonte: Faro

CCOO volve a gañar as eleccións sindicais nas universidades públicas españolas.

O pasado 31 de decembro de 2015 concluiu o período de cómputo dos resultados das eleccións sindicais celebradas durante os catro anos anteriores. Durante este tempo elexiuse a representación das Xuntas de Persoal e Comités de Empresa de PDI e PAS que, computados de xeito global, servirán para establecer a representatividade de cada organización sindical nas diferentes mesas de negociación, tanto no ámbito xeral dos empregados públicos como no específico do sector universitario.

Fonte: TE nº 355. pax.12.

Nova web do Comité de Empresa de Pontevedra do PAS Laboral da UVIGO.

Estase a traballar na construción dunha nova web do Comité de empresa de Pontevedra, co obxectivo de facela máis interactiva e tratar de manter puntualmente informados ao persoal do traballo e actividade do Comité.  http://comite.webs.uvigo.es/web/

A Universidade pública española entre as máis caras de Europa.

Segundo o estudo da evolución dos prezos públicos do sistema universitario español entre 2011 e 2016: os prezos das matrículas universitarias, becas, axudas e beneficios fiscais en Europa, feito pola Federación de Ensinanza de CCOO , España e un dos países da UE onde resulta máis cara a matrícula universitaria.
Ver Video

O custo da educación universitaria constitue un importante sacrificio que ten que ser sufragado na súa práctica totalidade polas familias. Os datos expostos no informe son demoledores en termos de cohesión social e poñen de manifesto a fraxilidade do noso sistema universitario.

Un alumno español paga 1.110 euros por matricularse nun grao, un alemán paga 50 euros, e un  finés cero euros.

As tres universidades públicas e a Xunta de Galicia habilitan fondos para causas económicas imprevistas e organizacións benéficas apoian a estudantes universitarios que non teñen beca ou tardan en cobrala para que non teñan que deixar os estudos.
Fonte: Voz

Informacións sobre as negociacións de RPT do PAS e da Comisión tripartita de funcionarización.

Semella enrevesado pero non queda outra: hai que levar as contas para estar informados.

O vindeiro mércores 13 de abril de 2016 estan convocadas sendas reunións da Comisión de negociación da RPT  e da Comisión tripartita de funcionarización do PAS Laboral da Universidade de Vigo. 

Por outra banda, comunicarvos que  xa podedes consultar a acta nº 12 da Comisión negociadora da RPT do PAS Laboral  e as actas nº 10 e 11 da Comisión negociadora da RPT do PAS funcionario coa proposta de funcións da Biblioteca Universitaria entregada pola Xerencia.

Axudas á conciliación familiar e laboral para fomento da corresponsabilidade para os traballadores e familias monoparentais que se acollan á redución de xornada.

Louise Bourgeois. Untittle, 1999.

RESOLUCIÓN de 28 de marzo de 2016, da Secretaría Xeral de Igualdade, pola que se establecen as bases reguladoras que rexirán as axudas á conciliación da vida familiar e laboral como medida de fomento da corresponsabilidade para os traballadores que se acollan á redución da súa xornada de traballo, cofinanciadas por el Fondo Social Europeo (FSE) con cargo al programa operativo FSE Galicia 2014-2020, y se procede a su convocatoria para el año 2016.


Extracto da resolución do DOG nº 61 2016/3/31.